11.12.2018 күні №5 Хромтау –гимназиясының директоры, тарихшы Биржанов Р.А., Аудандық кітапхана басшысы, тарихшы Жетесов Н., №5 Хромтау гимназиясының география пәнінің мұғалімі Жакуда Г.Н., биология пәнінің мұғалімі А.Ж. Ниязовадан және аудан әкімінің баспасөз қызметкері Ж.С.Қалмұратовтан құралған «өлкетанушылар» тобы аудан орталығынан солтүстік-шығыс бағытта, 25 шақырым қашықтықта орналасқан Қызылсу ауылына қарасты Қараағаш жеріне экскурсия ұйымдастырды. Экскурсия мақсаты Қараағаш аумағының табиғаты, географиялық ерекшеліктері мен флора және фауна өкілдерін терең зерттеу. Экскурсия барысында зерттеуші топ Қараағаш аймағында өсіп тұрған ағаштардың Қазақстанның «Қызыл кітабына» енген қайың тұқымдас «жабысқақ Қандыағаш» (черная ольха) екендігі анықталды. Жабысқақ қандыағаш (Alnus glutіnosa) — қайыңдар тұқымдасы қандыағаш туысына жататын бір үйлі ағаш. Негізгі өсу ареалы Еуропа аймағы. Қазақстанда Жайық, Елек, Тобыл өзендері бойында, Құсмұрын к-нің жағасында, Ерейментау, Қарқаралы, Баянауыл таулы аймағында өседі. Осы кезге дейін Ақтөбе облысының тек Мәртөк ауданы аймағында таралған деп келінді.  Жабысқақ қандыағаш — дәрілік өсімдік. Оның қабығында илік заттар (5 — 9%), бүршігінде алкалоид (14 — 16%), жапырағында салицил, спирт және түрлі органикалық қышқылдар болады. Жабысқақ қандыағаштан алынған тұнба медицинада тоқ ішек қабынғанда, құяңға, суық тигенде қолданылады. Оның қабығынан түрлі түсті бояу алынады. Жабысқақ қандыағаштың сүрегі жеңіл, қызыл түсті, одан үй жиhаздары, ыдыс жасалады, құрылыстарда пайдаланылады. Жабысқақ қандыағаш, өте сирек кездесетін реликті өсімдік, қорғауға алынып, Қазақстанның “Қызыл кітабына” енгізілген.

27.11.2018ж күні 5 Хромтау  гимназиясында жетекші мектеп пен серіктес мектептердің мұғалімдері арасында " Жаңартылған білім аясында эстетика техникалық пәндерді оқытудың тиімді жолдары  "  тақырыбында семинар-практикум өтті. Семинар барысында  денешынықтыру, технология, өзін-өзі тану, музыка және алғашқы әскери дайындық пәндерінен ашық сабақтар өткізілді.   Семинардың мақсаты: "Жаңартылған білім бағдарламасы бойынша мұғалімдердің іс-тәжірибелерімен бөлісу". Семинарға серіктес мектептерден:

1. Абай негізгі мектебі

2.Жазық бастауыш мектебі

3. Қопа орта мектебі

4. Сәтпай орта мектебінен келген мұғалімдері және ардагер ұстаздарымен келіп қатысты.

Семинар барысында ашық сабақтар берілді. Сонымен қатар 5 ХГ эстетика - техникалық пән мұғалімдерінің білім беру жүйесі жетістіктерінің көрме-презентациясы жұмысы кезінде серіктес мектеп мұғалімдері көкейлерінде жүрген сұрақтарға жауап алып, өз тәжірибелерімен ой бөлісті.Жаңартылған білім беру мазмұны бойынша жүргізілген жұмыстар құжаттарымен танысты.

Барлық қатысушы мұғалімдерге АББ-нің сертификаттары тапсырылды.

«№5 Хромтау гимназиясы» КММ әкімшілігі Қазақстан Республикасы Білім және ғылым министрінің 2017 жылғы 27 шілдедегі № 355 бұйрығымен бекітілген «Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларының»  2 тарау 5 тармағы негізінде Қамқоршылық кеңесін қалыптастыру және оның құрамын құру туралы ұсыныстар                                                                            қабылдайтынын хабарлайды.

Қамқоршылық кеңес - білім беру ұйымының әрі қарай дамуына ықпал ету, материалдық-техникалық базасын күшейтуге, мектептің өзін-өзі басқару қызметінің ашықтығын қамтамасыз ету мақсатында құрылады, сонымен қатар білім беру мекемелерінің шотына түсетін қайырымдылық көмектің жұмсалуына қоғамдық бақылауды жүзеге асырады, қайырымдылық көмек түрінде білім беру ұйымдарына түскен қаржыны бөлуге қатысады және оның мақсатты жұмсалуы туралы шешім қабылдайды.

Қамқоршылық кеңес құрамына шақырылады: жергілікті өкілдік, атқарушы және құқық қорғау органдарының өкілдері, жұмыс берушілер мен әлеуметтік әріптестер өкілдері, коммерциялық емес ұйымдарының өкілдері, білім алушылардың ата- аналары немесе заңды өкілі.

Білім беру ұйымдарында Қамқоршылық кеңестің жұмысын ұйымдастыру және оны сайлау тәртібінің үлгілік қағидаларына (ҚР БжҒМ 27.06.17ж. №355 бұйрығы) сәйкес Қамқоршылық кеңес құрамына үміткерлердің ұсыныстарын күтеміз.

Ұсыныстар хабарлама шыққаннан кейінгі 10 күн ішінде қабылданады.

Байланыс телефондары:

Қабылдау бөлімі тел/ факс: 8/71336/ 24-4-09; немесе 8/71336/ 27-8-75

№5 Хромтау гимназиясының директоры Биржанов Рустам Айтуганович

Ұялы тел: 8(705) 4784242

Директордың тәрбие ісі жөніндегі орынбасары Суюмова Еңлік Тлекбаевна

Ұялы тел: 8(705) 9181923

Электрондық почта: <Этот адрес электронной почты защищен от спам-ботов. У вас должен быть включен JavaScript для просмотра.>  

Бiр-бiрiне қолдан келген көмегiн берiп, қайырымдылық көрсетiп отыру халқымыздың қанына сiңген жақсы қасиеттерiнiң бiрiне жатады. Қазақстан Республикасының Тұңғыш Президенті күні қарсаңында осындай өнегелi iстi үлгi тұтқан №5 Хромтау гимназиясында ата- аналардың қамқорлығынсыз қалған балалар мен олардың қамқоршыларына қолдау көрсетуге арналған «Мейірімділік пен ізгілікке жол ашық» атты қайырымдылық акциясын ұйымдастырылды. Акция мақсаты ата-ана қамқорлығынсыз қалған оқушыларға тірек болып, рухани тұрғыдан қолдау көрсете отырып, гимназия оқушыларын мейірімділікке, қайырымдылыққа тәрбиелеу болып табылады. Қайырымдылық шарасы барысында жинақталған қаражат гимназиямыздың білім алушысы Палуанова Индираның тұрғын үй құрылыс жинақ банкіндегі жеке есеп шотына 32000 (отыз екі мың тенге) тенге жіберілді.

 ҚР Тұңғыш Президенті күнін мерекелеу қарсаңында №5 Хромтау гимназиясының базасында Хромтау аудандық білім бөлімінің және «Нұр Отан» ХДП-ның қолдауымен «Мен-мәңгілік ел ұланымын» атты аудандық ән байқауы өтті. Аталмыш шараға аудан мектептерінен 25 білім алушы қатысты. 

Конкурсанттардың әрқайсысы бір патриоттық ән  шырқады. ҚР Тұңғыш Президенті күніне орай өткізілген байқауда Балалар музыка мектебінің директоры Петрова Ирина Владимировна, аудандық мәдениет үйінің көркемдік жетекшісі Ғани Әбсадықұлы Бисенов және «Нұр Отан» халықтық демократиялық партиясының  өкілі Майра Шалқарбекқызы Балкибаева төрелік етті.

№5 Хромтау гимназиясының ұйымдастыруымен мектеп оқушылары арасында тоғызқұмалақтан жарыс өтті. Спорттық шараның мақсаты — ауданымызда тоғызқұмалақ ойынын барынша дамыту. Жарысқа барлығы 19 оқушы қатысты. Сайыс нәтижесінде жүлдегер командалар жинаған ұпай санымен анықталды. Ұлдар арасында I орынды №3 ХОМ құрамасы жеңіп алды. Ал қыздар арасында №3 ХОМ-нің құрама командасы жеңіске жетті. Жеңімпаз құрама командалар мен жүлдегерлерге Хромтау аудандық білім бөлімі тарапынан дипломдар табыс етілді. Білім алушылар арасындағы тоғызқұмалақ ойынына жыл сайын қызығушылық артып келеді.