«ТІЛ – ТҰНЫҚ ОЙДЫҢ КӘУСАРЫ» АТТЫ АУДАНДЫҚ ЖАС ЖАЗБА АҚЫНДАРДЫҢ ЖЫР МҮШАЙРАСЫ ӨТТІ
№5 Хромтау гимназиясының мәжіліс залында аталмыш білім ордасының басшысы Рустам Биржановтың қолдауымен гимназияның «Поэзия» үйірмесінің ұйымдастыруымен «Тіл – тұнық ойдың кәусары» атты аудандық жас жазба ақындардың жыр мүшайрасы өтті. Байқауда ІІ кезең бойынша 5 – 8 және 9 – 11 сыныптар бақ сынасты. Тәуелсіздік тарихын кеңінен насихаттау, жас ұрпақтың ұлттық рухын асқақтату, патриоттық сезімін оятуды мақсат тұтқан «Тіл – тұнық ойдың кәусары» атты аудандық жас жазба ақындардың жыр мүшайрасының жеңімпаздары әділқазы алқаларының шешімімен анықталып, арнайы дипломдармен марапатталды.
